Til saıasaty komıtetiniń tapsyrmasy boıynsha "Shaısultan Shaıahmetov atyndaǵy "Til-Qazyna" ulttyq ǵylymı-praktıkalyq ortalyǵy ázirlegen "Termincom.kz", "Tilqural.kz" saıttary týraly aqparat ýıkıpedıaǵa engizildi.
Termınkom — qazaq termınologıasy jaıly tolyq málimet beretin saıt. Saıt Qazaqstan Respýblıkasy Úkimetiniń janyndaǵy termınologıalyq komısıa bekitken termınderdi paıdalaný úshin, salaaralyq termınologıalyq qordy birizdendirý jáne jetildirý úshin paıdalanylady. Saıt 2016 jyly 20 qazannan bastap iske qosylǵan.
Saıt múmkindikteri:
- qazaq nemese orys tilinde engizilgen termınderdiń avtomatty túrde aýdarmasyn kórsetedi;
- termınniń qaı salaǵa tıesili ekendigi jáne qaı jyly bekitilgendigi týraly aqparat beredi;
- Qazaqstan Respýblıkasy Úkimetiniń janyndaǵy Respýblıkalyq termınologıalyq komısıa músheleri bekitýge usynylatyn termınderdi saıttyń Alań bóliminde talqylaıdy, daýys beredi, pikir qaldyrady, usynystaryn beredi;
- Alańnan keıin Komısıa otyrysynda talqylanǵan termınder sheshim shyqqannan keıin «Termincom.kz» saıtynyń «Termın» bóliminde jarıalanady.
Qazirgi ýaqytta saıt qorynda 379465 termın bar, 31611 termın Respýblıkalyq termınologıa komısıasynda bekitilgen. Mektep termınologıasy bóliminde 2254 termın synyp jáne pán boıynsha jınaqtalǵan.
«Termincom.kz» saıtynyń iOS jáne Android júıelerine arnalǵan mobıldi qosymshasy bar.
Til-Qural(Til-Qural) – oıyn tásilderin qoldana otyryp, qazaq tilin úırenýge jáne qoldanýǵa arnalǵan tegin platforma. Servıske tirkelgennen keıin tilqural.kz veb-portalda, iOS, Android operasıalyq júıeleri bar mobıldi qosymshalarda qoljetimdi.
Tilqural qazaq tilin óz betinshe úırenýdiń 5 deńgeıinen turady:
- A1-qarapaıym deńgeı;
- A2-bazalyq deńgeı;
- V1-orta deńgeı;
- V2-ortadan joǵary deńgeı;
- S1-joǵary deńgeı.
Ár deńgeıde birneshe taqyryptyq sabaqtar bar. Paıdalanýshy ár taqyryptyq sabaqty jańa sózderdi úırenýden bastaıdy. Ári qaraı paıdalanýshy úırengen sózderin tyńdap, oqyp, jaza alady. Jáne sóıleýdi bekitý úshin jattyǵýlardy oryndaıdy. Sondaı-aq ár sabaqta paıdalanýshy jattyǵýlardyń kómegimen jańa sózderdi bekitedi. Jeke kabınette paıdalanýshyǵa oqý barysy kórsetilgen jýrnal qoljetimdi.
Tilqural qoldanýshyǵa qyzyq materıaldar arqyly qazaq tilin úıretedi:
- beınerolıkter – orys tilindegi sýbtıtri bar qazaq tilindegi fılmder men múltfılmderden úzindiler;
- mátinder – qazaqsha mátinniń dybystalýy jáne mátinniń oryssha aýdarmasy bar qazaqstandyq jáne sheteldik shyǵarmalardan úzindiler;
- qazaq tilindegi frazalardyń aýdıo dybystalýy jáne orys tiline aýdarmasy bar taqyryptyq frazalar (70 sanat);
- sabaqtardan alynǵan sózderdiń taqyryptyq sózdigi.
Sondaı-aq paıdalanýshylar qazaq tilin óz betinshe úırenýge arnalǵan túrli oqýlyqtardy pdf formatynda júkteı alady.
Tilqural servısinde óz kýrstaryn, toptaryn qurýǵa jáne kýrsqa basqa qatysýshylardy shaqyrýǵa múmkindik bar.
Tilqural-da til úırenýdiń barlyq fýnksıalary tegin.