Konkýrs úsh nomınasıadan turady:
1) «Úzdik maqala»;
2) «Úzdik tele- jáne radıobaǵdarlama»;
3) «Úzdik saıt maqalasy».
Konkýrsqa kásibı jýrnalıster (shtattaǵy jáne shtattan tys), tele-radıo, gazet, saıt ujymdary, jýrnalıstıka jáne fılologıa fakúltetteriniń ǵalymdary qatysa alady. Qatysýshylardan elimizdegi jáne shetelderdegi aqparattyq keńistiktegi buqaralyq aqparat quraldarynda jarıalanǵan memlekettik tildi damytý jáne onyń qoldanys aıasyn keńeıtý, sonymen qatar Ahmet Baıtursynulynyń tiltaný, ádebıettaný salalaryn damytý jónindegi ǵylymı, shyǵarmashylyq murasynyń qazirgi qazaq tiltaný, ádebıettaný salalarymen sabaqtastyǵy jónindegi memlekettik tilde jáne orys, aǵylshyn tilderinde materıaldar qabyldanady. Materıaldar analıtıkalyq taldaýlar, ǵylymı zertteýler, problemalar men olardyń sheshý joldaryna negizdelýi qajet. Konkýrs materıaldarynda qazaqsha sóıleýdi ulttyq brendke aınaldyrýdyń tıimdi joldary kórsetilgeni jón.
Konkýrs materıaldaryn baǵalaý krıterııleri:
- taqyrypqa sáıkestik;
- qamtylǵan aqparattyń naqtylyǵy men shynaıylyǵy;
- máseleni taldaý tereńdigi;
- materıaldy jetkizý sheberligi.
Konkýrsqa qatysýshy úmitkerlerdiń konkýrsqa usynǵan materıaldary olardyń kásibı bilikterin, mýltımedıalyq storıtellıng jáne zamanaýı medıa múmkindikterin, memlekettik tildi damytýdyń zamanaýı modelin tutas qoǵamǵa jáne árbir jeke oqyrmanǵa asha alýy qajet. Konkýrsqa usynylatyn materıaldardyń avtorlarynyń zamanaýı kásibılenýi, onyń ishinde data-jýrnalıstik qabiletteri de (sapamen de, sanmen de jumys jasaý qabileti) qaperge alynady.
Kommýnıkatıvtik resýrstardy oryndy qoldanyp, zamanaýı medıatehnologıalardy dástúrli jýrnalıstıka quraldarymen kiriktire otyryp, memlekettik til saıasatyn buqaralyq aqparat quraldarynda nasıhattaý, sol arqyly memlekettik tildiń qyzmeti, damý joldary men memlekettik til saıasatynyń túrli qyrlaryn, ózekti máselelerin sapaly, senimdi jáne nátıjeli túrde baıandaý – basty talap.
Konkýrsqa qatysýshylardyń qazaqtildi kontentti qarqyndy damytýdyń zamanaýı joldary men ınovasıalyq sheshimderin kórsete bilýi mańyzdy. Áleýmettik ortada, memlekettik organdarda memlekettik tildiń nyq ornyǵyp, erkin qoldanylýynda kezdesetin kedergilerdi aıqyndaı otyryp, negizgi sheshimder usyný sheberlikterine mán beriledi. Sondaı-aq memlekettik tildi damytý boıynsha ǵylymı, ádistemelik, zerdeleý, izdenistik maqalalar nazarǵa alynady.
- Aldyńǵy konkýrstardaǵy bas júldemen marapattalǵan jeńimpazdar Konkýrsqa qatystyrylmaıdy.
- Konkýrsty uıymdastyrý tártibi
- Qazaqstan Respýblıkasy Bilim jáne ǵylym mınıstrliginiń
Til saıasaty komıteti – Konkýrstyń uıymdastyrýshysy.
- Konkýrsty ótkizý týraly habarlandyrý 2022 jyldyń ekinshi toqsanynda buqaralyq aqparat quraldarynda jarıalanady jáne Qazaqstan Respýblıkasy Bilim jáne ǵylym mınıstrligi Til saıasaty komıtetiniń ınternet-resýrsyna ornalastyrylady.
- Konkýrsqa qatysý úshin Konkýrs Qaǵıdasynyń 3-tarmaǵynda kórsetilgen úsh nomınasıanyń bireýi boıynsha ótinim (qol qoıylǵan, skanerlegen) Qazaqstan Respýblıkasy Bilim jáne ǵylym mınıstrliginiń Til saıasaty komıtetiniń baq@tilqazyna.kzelektrondyq poshtasyna, «Memlekettik til jáne BAQ» respýblıkalyq konkýrsyna» degen belgimen 2022 jylǵy 15 tamyzǵa deıin (2022 jylǵy 14 tamyzdaǵy 23 saǵat 59 mınýtty qosa eseptegende) mynadaı qujattarmen birge joldanýy tıis:
1) ótinim (osy Qaǵıdanyń qosymshasyna sáıkes nysan boıynsha);
2) 2022 jylǵy 1 qańtar men 2022 jylǵy 14 tamyz aralyǵynda buqaralyq aqparat quraldarynda jaryq kórgen eki materıaldy, sonyń ishinde radıo jáne telebaǵdarlamalardy, memlekettik tildegi saıttardaǵy jáne merzimdik baspasózdegi jarıalanǵan maqalalardy;
3) jarıalanǵan maqalalardyń «Word» formatyndaǵy elektrondyq nusqalary, skrınshottary (gazet-jýrnaldar, saıttar), baǵdarlamalardyń jazbasy;
- Konkýrs Qaǵıdasynyń 9-tarmaǵynda kórsetilgen merzimnen keıin usynylǵan ótinim konkýrsqa qatystyrylmaıdy.
- Konkýrsqa usynylǵan materıaldar keri qaıtarylmaıdy.
- Qorytyndy erejeler
- Konkýrsqa qatysýshylardyń jumysyn baǵalaý jáne jeńimpazdardy anyqtaý úshin qazylar alqasy qurylady. Qazylar alqasynyń quramy til men ádebıet, jýrnalıstıka salalarynyń bilikti mamandarynan, ǵalymdardan, zıaly qaýym ókilderinen keminde bes adamnan turady. Qazylar alqasynyń quramy tóraǵadan jáne onyń múshelerinen turady. Baıqaýdyń jeńimpazdary men júldegerleri qazylar alqasynyń ashyq daýys berý qorytyndysy boıynsha anyqtalady. Qazylar alqasy músheleriniń daýystary teń bolǵan jaǵdaıda, tóraǵalyq etýshiniń daýysy sheshýshi bolyp tabylady. Qazylar alqasy músheleri Konkýrsqa qatysýshylardan túsken materıaldar negizinde daýys berý arqyly Konkýrstyń úsh nomınasıasy boıynsha jeńimpazdardy anyqtaıdy. Qazylar alqasynyń sheshimi hattama túrinde resimdelip, qazylar alqasynyń barlyq músheleri qol qoıady. Qazylar alqasynyń sheshimi hattama túrinde resimdelip, qazylar alqasynyń barlyq quramy qol qoıady. Konkýrstyń marapattaý rásimi 2022 jylǵy qyrkúıek aıynda saltanatty túrde ótkiziledi.
- Baıqaý jeńimpazdary uıymdastyrýshy bekitken júlde qory mólsherinde arnaıy dıplomdarmen jáne syılyqtarmen marapattalady.
- Konkýrstyń jeńimpazdary týraly aqparat Konkýrs bitkennen keıingi 10 jumys kún ishinde buqaralyq aqparat quraldarynda jarıalanady jáne Qazaqstan Respýblıkasy Bilim jáne ǵylym mınıstrligi Til saıasaty komıtetiniń ınternet-resýrsyna ornalastyrylady.
Baılanys telefondary: 8 (7172) 27-71-33, 74-14-97.
_________________________
«Memlekettik til jáne BAQ» respýblıkalyq
konkýrsyna qatysý úshin ótinim
- T.A.Á. _______________________________________________________
- Jasy ________________________________________________________
- Bilimi____________________________________________________
- Qyzmeti__________________________________________________
- Mekenjaıy______________________________________________
- Baılanys telefondary_________________________________________
- Maqala, baǵdarlama, BAQ ataýy, jarıalanǵan kúni:
1) _____________________________________________________________
2) ______________________________________________________________
- Qosymsha aqparat __________________________________________
Qoly
Kúni