Qazaqstan Respýblıkasy Mádenıet jáne sport mınıstrligi Til caıasaty komıteti «Qashyqtan oqyp, til úıren!» aksıasynyń alǵashqy qadamdary týraly osyndaı qorytyndyǵa keldi.
Memleket basshysy Q.Toqaev respýblıkalyq «Ana tili» gazetine arnaıy bergen suqbatynda: «Qazaq tilinde sóıleý maqtanysh bolýy úshin qoǵamda oǵan degen qajettilikti arttyrǵan jón. Memlekettik qyzmetke, onyń ishinde, halyqpen tyǵyz jumys isteıtin laýazymǵa taǵaıyndaý kezinde kásibı biliktiligine qosa, qazaq tilin jaqsy biletin azamattarǵa basymdyq berý kerek. Parlamentte nemese baspasóz máslıhattarynda memlekettik tilde sóılep, pikir almasa almaıtyn memlekettik qyzmetker uǵymy, eń aldymen, qazaq azamattarynyń arasynda – anahronızmge aınalýǵa tıis», – dep atap kórsetti.
Óńirlerdegi til úıretý ortalyqtary osy asqaraly mindetti júzege asyrýǵa úlken úles qosyp keledi.
Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń qoldaýymen uıymdastyrylyp jatyrǵan aksıanyń alǵashqy aptasynda Qyzylorda, Jambyl, Soltústik Qazaqstan oblystary boıynsha 45 oqytýshy 3517 tyńdaýshy oqytylýda, sonyń ishinde memlekettik til – kósh basynda. Máselen, Soltústik Qazaqstan oblysy boıynsha 2312 til úırenýshi tańdasa, bul kórsetkish Qyzylorda oblysy boıynsha – 268, Jambyl oblysy boıynsha – 251 adamdy qurap otyr.
Kezek – Qaraǵandy, Aqtóbe oblystarynda.
Ózge óńirler de keste boıynsha bul tizimdi tolyqtyra túsedi.
Iaǵnı, qashyqtan til úırenýshiler úshin keń óris ashylady degen sóz.
MÚMKİNDİKTİ JİBERİP ALMAŃYZ!