Qazaqstan Respýblıkasy Mádenıet jáne sport mınıstrligi Til caıasaty komıteti Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń qoldaýymen respýblıkadaǵy Til oqytý ortalyqtary elimizdegi tótenshe jaǵdaı kezinde memlekettik til jáne basqa da tilderdi qashyqtan oqytý sharasyn bastady.
Maqsaty – karantın kezinde eresek azamattarǵa memlekettik jáne ózge tilderdi onlaın rejimde ınovasıalyq ádister arqyly tegin oqytý, elektrondy oqý quraldarymen qamtamasyz ete otyryp, til úırenýge arnalǵan İT baǵdarlamalar men platformalar arqyly ózdiginen oqýǵa shaqyrý.
Qashyqtyqtan bilim berý – oqytýdyń aıryqsha tehnologıasy degen sóz emes, bul, eń birinshi kezekte, «aýdıtorıada ǵana oqý» sekildi qalyptasqan qasań túsiniktiń tar aýqymynan shyǵýǵa múmkindik beredi.
Sondyqtan, respýblıkamyzdyń túkpir-túkpirindegi ortalyqqa qarasty tilderdi damytý, oqytý ortalyqtarynyń qazirgi qashyqtyqtan oqytý rejimi týraly izdenisin pandemıa jaǵdaıyndaǵy eriksiz májbúrlilik dep emes, qaıta osy shekke deıin bul salada jınaqtalǵan mol tájirıbeni keńinen qoldanýdyń jan-jaqty múmkindigi retinde qabyldaýǵa bolady.
Osy sala boıynsha qyzmet jasaıtyn 98 oqytý ortalyǵy búgingi tańda qashyqtan oqytý úrdisin «QASHYQTAN OQYP, TİL ÚIREN!» aksıasy aıasynda jalǵastyryp otyr.
Árbir jergilikti jerdiń baılanys múmkindigi eskerilip, ynta bildirýshiniń yńǵaıyna qaraı tańdaý erki qarastyrylǵan. ZOOM, Whatsapp, Skype, Google Classroom, Telegram, Instagram platformalary arqyly tikeleı onlaın sabaqqa qatysyp, onlaın sabaq jazbasyn alý múmkindigi de qarastyrylǵan. Tildi óz erkimen úırengisi keletin azamattarǵa arnalǵan Tilqural.kz saıty jumys jasaıdy. Elektrondy oqý quraldaryn, qajetti aqparatty elektrondy poshtamen alýǵa bolady.
Oqytý ortalyqtarynyń tájirıbeli, bilikti oqytýshylary ınovasıalyq tehnologıalardy, ádisterdi paıdalana otyryp, qyzyqty ári paıdaly dáris júrgizetin bolady.
İSKE SÁT, TİL ÚIRENÝSHİ!
Tómende tilek bildirýshiler úshin Tilderdi oqytý ortalyqtaryndaǵy oqý kýrstary týraly aqparatty qosa jarıalap otyrmyz
«QASHYQTAN OQYP, TİL ÚIREN!» AKSIASY - PDF