Memlekettik tildiń qoldanys aıasyn keńeıtý maqsatynda qazaq tilin shet tili retinde oqytý ádistemesin qalyptastyrý, sheteldik azamattar tarapynan suranystyń artýyna baılanysty qazaq tilin oqytýǵa arnalǵan oqý-ádistemelik quraldarynyń elektrondy jáne baspadan shyǵarý jumystaryn uıymdastyrý, suranysqa ıe baǵyttar boıynsha jumys dápterleri men mátinder jınaǵyn, ádistemelik jınaqtar men oqý-ádistemelik keshenderin ázirleý búginde ózekti.
Sondyqtan otandyq ádiskerler men ǵalymdardyń memlekettik jáne etnos tilderiniń aıasyn keńeıtý maqsatynda ázirlegen ozyq, zamanaýı ónimderdi jáne qazaq tilin shet tili retinde oqytý ádistemesinde otandyq jáne shetel ǵalymdarynyń, ádiskerleriniń jetistikterin qoldana otyryp, birlese oqý-ádistemelik ónimderin shyǵarý kózdeledi.
Osyǵan oraı Sh.Shaıahmetov atyndaǵy «Til-Qazyna» ǵylymı-praktıkalyq ortalyǵynda memlekettik tildiń qoldanys aıasyn keńeıtý, Qazaqstandaǵy etnos ókilderiniń tildik kapıtalyn damytý, sheteldegi qandastarymyzdy ádistemelik qoldaý maqsatynda memlekettik jáne ana tilderin oqytý boıynsha oqý-ádistemelik quraldar ázirlenbek. Usynylǵan oqý-ádistemelik quraldardyń ishinen úzdikteri iriktelinip alynyp, baspa túrinde ázirlenedi jáne taratylady. Qabyldanǵan ónimderdiń ishinen Saraptaý komısıasy Erejeniń negizinde sapaly ónimderdi anyqtap, úzdik oqý-ádistemelik quraldardy irikteıdi. Daıyn ónimder óńirlik til ortalyqtaryna jáne kelisilgen jiktemedegi mekemelerge taratylyp, elektrondy nusqalary saıtqa júkteledi.
Ótinimder 2024 jyldyń 26 naýryzynan bastap 30 maýsymyna deıin qabyldanady.
Baıqaýdyń erejesi jáne ótinim berý formasy: https://docs.google.com/document/d/1VUYTbFndlfvr_qfKCChziG5AdpRY7isx/edit?usp=sharing&ouid=101594855856241942379&rtpof=true&sd=true