QOSTANAI OBLYSY QOSYLDY
Qazaqstan Respýblıkasy Mádenıet jáne sport mınıstrligi Til caıasaty komıtetiniń Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń qoldaýymen uıymdastyryp jatqan «Qashyqtan oqyp, til úıren!» aksıasyna qatysýshylardyń tizimi osy aptadan bastap Qostanaı oblysymen tolyqty.
Bul til úırenýshiler úshin taǵy bir tyń óris paıda boldy degen sóz.
Jalpy alǵanda, tilderdi oqytý máselesi saıası-ekonomıkalyq, tehnologıalyq-aqparattyq jáne basqa salalarda bolyp jatqan jahandyq evolúsıalyq úderisten tys qala almaıdy. Mysaly, tarıhqa júginsek, bul baǵyttaǵy alǵashqy izdenis 1728 jyly tirkelgen eken, Kaleb Fılıps deıtin azamat álemniń kez kelgen núktesindegi stýdentke hat almasý arqyly stenografıa isine oqyta alamyn dep bostondyq gazetke jarnama beripti.
Sodan beri túrli ózgeriske ushyrap, alǵa damýmen keledi.
Atalmysh aksıa barysynda ZOOM, Whatsapp, Skype, Google Classroom, Telegram, Instagram platformalary arqyly tikeleı onlaın sabaqqa qatysyp, onlaın sabaq jazbasyn alý múmkindigi jan-jaqty qarastyrylǵan.
Sharanyń alǵashqy aptasynda kósh bastaǵan Qyzylorda, Jambyl, Soltústik Qazaqstan oblystarynda bul jumystar qyzý júrip jatyr.
İle-shala Qaraǵandy, Aqtóbe oblystary qosylǵan edi.
Endi Qostanaı oblysy kirisip ketti: 6 adam 500 tyńdaýshyny qazaq tilinde oqytýdy qamtamasyz etýdi josparlasa, aǵylshyn tilin oqytýshy 2 maman 160 tyńdaýshymen jumys jasaýdy qolǵa alady. Budan basqa etnıkalyq top tilderi kýrsynda (tatar, bashqurt, káris, nemis, armán, polák, túrik tilderi) 7 oqytýshy – 100 tyńdaýshyǵa dáris beredi.
Iaǵnı, 15 oqytýshy 760 tyńdaýshymen jumys jasaıdy dep kútilýde.
Tyńdaýshylarǵa tabys, dáris oqýshylardyń eńbegine jemis tileımiz!