Apple kompanıasy iOS operasıalyq júıesiniń 18-nusqasyn jýyrda jańartady. Bul nusqaǵa qazaq tilinde erkin ári tabıǵı aksentimen sóıleı alatyn Arý esimdi qyzdyń daýysy qosylǵan.
Bul fýnksıanyń artyqshylyǵy kórý qabileti shekteýli qoldanýshylar iOS júıesindegi VoiceOver qosymshasynda endi qazaq tilindegi aqparattardy erkin tyńdap, tolyq paıdalana alady. Dybystyq basqarý arqyly qazaq tilinde mátindi oqyp berý, navıgasıa fýnksıasymen basqa da múmkindikterge qol jetkize alady.
Buryn bundaı múmkindik iOS operasıalyq júıesinde bolmaǵan. Apple kompanıasy iOS 18-nusqasynyń resmı shyǵarylymyn 2024 jyldyń qyrkúıeginde jarıalaýdy josparlap otyr.
Aıta keteıik, «Til-Qazyna» ortalyǵy qazaq tiliniń sıfrlandyrý baǵytynda iri jobalardy júzege asyryp keledi. Solardyń biri eń tanymal Android jáne Windows júıelerine arnalǵan ekrandyq dıktor qosymshalaryn usynǵan bolatyn. Qazirdiń ózinde turaqty qoldanýshylary bar 10-nan asa IT jobalar qoldanysta.
Ortalyqtyń bastamasymen ázirlengen qosymshalar ana tilimzdiń qoldaný aıasyn keńeıtýge jáne zamanaýı tehnologıalar arqyly qazaq tilin úıretýge baǵyttalǵan.
iOS júıesindegi ekrandyq dıktordy qoldaný boıynsha nusqaýlyqty https://screenreader.tilqazyna.kz/ siltemesi arqyly kóre alasyzdar.